Forcimi i kapaciteteve të organizatave të aftësisë së kufizuar në Elbasan

Fondacioni Së Bashku, në partneritet me Active Disabled People Albania (ADP), në bashkëpunim me Ministrinë e Mirëqenies Sociale edhe Rinisë, mbështetur nga programi UNSSIA i Programit për Zhvillim të Kombeve të Bashkuara (PNUD), financuar nga Agjencia Zvicerane për Zhvillim dhe Bashkëpunim (SDC), kanë zbatuar një nismë që synon forcimin e organizatave të aftësisë së kufizuar në Elbasan.

Nisma startoi në shtator 2016 dhe përfundoi në dhjetor të po këtij viti.

Objektivat e nismës:

-Forcimi i kapaciteteve të organizatave të aftësisë së kufizuar në Elbasan

– Forcimi i bashkëpunimit midis organizatave të aftësisë së kufizuar

– Ngritja së bashku e çështjes së aksesueshmërisë me Bashkinë Elbasan, nëpërmjet një aksioni të vendosur bashkarisht e duke përdorur njohuritë e marra nga cikli i trajnimeve.

Rezultatet e nismës

Ky projekt trajnoi organizatat e aftësisë së kufizuar të cilat punojnë për promovimin e të drejtave apo në ofrimin e shërbimeve për personat me aftësi të kufizuar në Elbasan.

Trajnimet u fokusuan në 3 drejtime kryesore:

• Statistika dhe modelet e aftësisë së kufizuar; Konventa për të Drejtat e Personave me Aftësi të Kufizuar dhe legjislacioni shqiptar.
• Menaxhimi i vetë organizatave dhe i çështjeve financiare.
• Komunikimi, media dhe advokacia.

Pas trajnimit të fundit u krye një aktivitet i përbashkët i organizatave pjesëmarrëse me synim sjelljen në vemendjen e Bashkisë Elbasan të çështjes së aksesueshmërisë për personat me aftësi të kufizuar. Aksesueshmëria është e rëndësishme edhe një parakusht për gëzimin e të gjitha të drejtave të tjera.

Nga këto trajnime, përfituan jo vetëm organizatat e aftësisë së kufizuar në Elbasan por edhe Fondacioni Së Bashku dhe ADP.