Fondacioni “Së bashku” u themelua dhe vazhdon tё drejtohet nga të rinj me aftësi tё kufizuar, me objektivin për të mbrojtur të drejtat e personave me aftësi te kufizuar nën moton “Asgjë për ne, pa ne”.

Fondacioni “Së bashku”, lindi më 2013 duke themeluar biznesin më të parë social në Shqipëri, kafenenë “E Jona” e cila drejtohej nga persona me aftësi tё kufizuar dhe personeli punonjës ishte i përbërërë nga persona me aftësi tё kufizuar.

Kafeneja ‘E Jona” krijoi njё hapёsire për promovimin e fenomenit të aftësise së kufizuar për pjesën tjetër të shoqërisё

Që prej vitit 2015, e kemi fokusuar veprimtarinё dhe aktivizmin tonё në promovimin e një shoqërie të hapur dhe gjithëpërfshirëse ndaj aftësisë së kufizuar.

Misioni ynë është promovimi i të drejtave të personave me aftësi të kufizuar, në nivel lokal dhe kombëtar, në respektim tё Konventës së Kombeve te Bashkuara për të Drejtat e Personave me Aftësi tё Kufizuar me vëmendje të vecantë në:

• Mbështetjen dhe rritjen e kapaciteteve tё organizatave lokale të personave me aftësi të kufizuar për forcimin e ndikimit të tyre në komunitetet përkatëse,
• Nxitjen e pushtetit lokal dhe atij qëndror pёr zbatimin e të drejtave të personave me aftёsi tё kufizuar,
• Shfrytëzimin e mediave për  rritjen e ndërgjegjësimit,
• Qasjen e shoqërisë shqiptare ndaj aftësisë së kufizuar.