Qyteti për persona me aftësi të kufizuar – ëndrra të barabarta, mundësi të barabarta

Fondacioni “Së Bashku” me mbështetjen e Fondacionit Friedrich Ebert (FES) zbatoi projektin Qyteti për persona me aftësi të kufizuar – ëndrra të barabarta, mundësi të barabarta. 

 

Ky project u zbatua gjatë vitit 2016.

 

Qëllimet e projektit:

 

 

• Hartimi dhe botimi i një libërthi mbi qytetin si është dhe si duhet të jetë për të qenë plotësisht i aksesueshëm për personat me aftësi të kufizuar.

• Trajtimin e çështjes së aksesueshmërisë me të gjithë aktorët e mundshëm në shoqëri.

 

 

Rezultatet e nismës:

 

 

• Në bashkëpunim me StudioArch4 u hartua dhe u botua libërthi “Qyteti për persona me aftësi të kufizuar – ëndrra të barabarta, mundësi të barabarta”.

 

• U mbajt një konferencë promovuese për libërthin, në të cilën patëm nderin të kishim të ftuar edhe Nën Kryetaren e Bundestagut Gjerman, Znj. Ulla Schmidt.

Zonja Schmidt mbajti një fjalë përshëndetëse dhe na përgëzoi për punën e bërë me libërthin dhe për promovimin e aksesueshmërisë për personat me aftësi të kufizuar. Folës të tjerë ishin drejtuesi i Fondacionit Friedrich Ebert (FES), Suela Lala, drejtuese e Fondacionit Së Bashku, përfaqësuesit e StudioArch4 dhe Z.Florian Rojba drejtues i  Shoqatës Kombëtare për Personat që nuk Dëgjojnë (ANAD).

• U mbajt në Bashkinë e Tiranës një takim ku uprezuantua libërthi dhe ku u diskutua mbi problematikat e aksesueshmërisë në qytet. Morën pjesë në takim, drejtues të drejtorive të ndryshme në bashki si ajo e urbanistikës dhe e transporteve, por edhe Nën Kryetarja Znj. Brunilda Paskali. Padyshim pjesë e takimit ishin përfaqësues të Fondacionit Së Bashku dhe Friedrich Ebert.

 

Në kuadër të nisës patëm edhe disa dalje mediatike për të promovuar aksesueshmërinë në Bashkinë Tiranë.